AIS ToulKork Campus

លោកស្រី ហុិន ស្រីពៅ

ចាងហ្វាងមធ្យមសិក្សាបឋមភូមិ

ជំរាបសួរ! លោក លោកស្រីដែលជាមាតាបិតា ឬអ្នកអាណាព្យាបាលសិស្ស និងបងប្អូនសាធារណជនទាំងអស់ជាទីគោរពរាប់អាន។

សូមស្វាគមន៍មកកាន់ សាលារៀន អន្តរទ្វីប អាមេរិកាំង សាខាទួលគោក! ក្នុងនាមនាងខ្ញុំជាចាងហ្វាងមធ្យមបឋមសិក្សា នៃសាលារៀន អន្តរទ្វីប អាមេរិកាំង សាខាទួលគោក ពិតជាមានសេចក្តីសោមនស្សរីករាយយ៉ាងខ្លាំងសម្រាប់ការចូលរួមគាំទ្រ និងសហការពីសំណាក់លោក លោកស្រីដែលជាមាតាបិតា ឬអ្នកអាណាព្យាបាលសិស្ស ដែលតែងតែពេញចិត្ត និងជឿជាក់លើគុណភាព វិន័យ និងសេវាកម្ម របស់សាលារៀនយើង កន្លងមករហូតដល់ពេលបច្ចុប្បន្ន។ ទន្ទឹមនឹងការជឿជាក់របស់លោក លោកស្រី ក្រុមការងារយើងក៏រឹតតែមានកម្លាំងចិត្តបន្តការព្យាយាម និងអភិវឌ្ឍលើគ្រប់ផ្នែក នៃសាលារៀន។ សាលារៀន អន្ដរទ្វីប អាមេរិកាំង ត្រូវបានទទួលស្គាល់ដោយក្រសួងអប់រំ យុវជន និងកីឡា ព្រមជាមួយនឹងកម្មវិធីសិក្សាដ៏សម្បូរបែប ស្របតាមកម្មវិធីរបស់ក្រសួងផងដែរ។ ទន្ទឹមនឹងនេះ អ្នកឧកញ៉ា វេជ្ជបណ្ឌិត គួច ម៉េងលី ដែលជាស្ថាបនិក នៃសាលារៀននេះក៏បានគិតគូរ ព្រួយបារម្ភ ខ្វល់ខ្វាយពីសុខទុក្ខ ក៏ដូចជាសុខភាពរបស់ប្អូនៗសិស្សានុសិស្សទាំងអស់ និងបានបង្កើតនូវមជ្ឈមណ្ឌលសុខភាព ងិន សុខរង្សី សម្រាប់ពិនិត្យ និងព្យាបាលជូនដល់ប្អូនៗសិស្សានុសិស្ស ព្រមទាំងបុគ្គលិកគ្រប់ផ្នែកផងដែរ។ ជាទីបញ្ចប់ នាងខ្ញុំតំណាងឱ្យគណៈគ្រប់គ្រងសាលារៀនក៏សូមថ្លែងអំណរអរគុណដល់លោក លោកស្រីដែលតែងតែចូលរួមគាំទ្រ និងផ្តល់ទំនុកចិត្តមកលើសាលារៀនយើងកន្លងមក ហើយក៏សង្ឃឹមយ៉ាងមុតមាំថាលោក លោកស្រីនឹងនៅតែបន្តការគាំទ្រ និងសហការបន្ថែមទៀត។ នាងខ្ញុំសូមគោរពជូនពរដល់លោក លោកស្រីដែលជាមាតាបិតា និងអ្នកអាណាព្យាបាល ព្រមទាំងប្អូនៗសិស្សានុសិស្សជាទីស្រឡាញ់ទាំងអស់ជួបប្រទះតែនឹងសេចក្តីសុខ សុវត្ថិភាព សំណាងល្អ សុខភាពល្អ និងទទួលបានជោគជ័យគ្រប់ភារកិច្ច។ សូមអរគុណ!

ចំណុចពិសេសដែលលោកស្រីពេញចិត្តបម្រើការងារនៅស្ថាប័នមួយនេះក្នុងរយៈពេលវែងក៍ព្រោះតែការផ្តល់នូវគុណភាពអប់រំខ្ពស់ ការអនុវត្តវិន័យសិក្សាប្រកបដោយប្រសិទ្ឋភាព ផ្តល់សេវាកម្មបានល្អប្រសើរជូនដល់ប្អូនៗសិស្សានុសិស្សរបស់ខ្លួន។

លោកស្រីមានសេចក្តីសោមន្សរីករាយក្រៃលែង និង សូមថ្លែងអំណរគុណយ៉ាងជ្រាលជ្រៅចំពោះមាតាបិតា ឬអ្នកអាណាព្យាបាលសិស្សទាំងអស់ដែលតែងតែបានបន្តគាំទ្រ និងផ្តល់នៅទំនុកចិត្តយ៉ាងខ្លាំងមុតមាំចំពោះសាលារៀន អន្តរទ្វីប អាមេរិកាំង។

សូមជូនពរលោកលោកស្រីដែលជាមាតាបិតា និងអ្នកអាណាព្យាបាលសិស្សទាំងអស់ ជួបប្រទះតែនឹងសេចក្តីសុខ សុភមង្គលក្នុងក្រុមគ្រួសារ!