ពិធីប្រគល់វិញ្ញាបនបត្រលើកទី១៦ ជូនដល់សិស្សថ្នាក់មត្តេយ្យសិក្សា

កាលពីថ្ងៃទី0៣ ខែតុលា ឆ្នាំ២០២០ កន្លងទៅនេះ គណៈគ្រប់គ្រងសាលា​រៀន អន្តរទ្វីប​​ អាមេរិកាំង បានរៀបចំប្រារព្ធពិធីប្រគល់វិញ្ញាបនបត្រលើកទី១៦ ជូនដល់សិស្សានុសិស្សថ្នាក់មត្តេយ្យសិក្សានៃសាលារៀន អន្តរទ្វីប អាមេរិកាំង សាខាចោមចៅ សាខាផ្សារថ្មី សាខាជ្រោយចង្វារ និងសាខាទួលគោក ឆ្នាំសិក្សា២០១៩-២០២០ ដែលកម្មវិធីបានប្រព្រឹត្តទៅក្រោមអធិបតី​ភាពរបស់ ចាងហ្វាង រស់ យ៉ាណា ប្រធាន នៃសាលារៀន អន្តរទ្វីប អាមេរិកាំង ​ព្រមទាំងមានការ​អញ្ជើញ​​ចូលរួមពីសំណាក់ គណៈកម្មការសាលា លោកគ្រូ អ្នកគ្រូ សិស្សានុសិស្ស មាតាបិតា និង​អ្នកអា​ណា​ព្យា​បាល​សិស្ស​ ព្រមទាំងភ្ញៀវកិត្តិយសយ៉ាងច្រើន​កុះករនៅសាលប្រជុំ ផល គួច អគារសាលារៀន អន្តរទ្វីប អាមេរិកាំង សាខាទួលគោក។ កម្មវិធីនេះធ្វើឡើងដើម្បីជាសក្ខីភាពសបញ្ជាក់នូវការបញ្ចប់ការសិក្សាចំណេះទូទៅតាមកម្រិតភូមិ សិក្សា និងដើម្បីជាចំណងអនុស្សាវរីយ៍ក្នុងការសិក្សារបស់សិស្សានុសិស្សដែលបានបញ្ចប់កម្រិត ថ្នាក់មត្តេយ្យសិក្សាដោយជោគជ័យនៅសាលារៀន អន្តរទ្វីប អាមេរិកាំង។

សកម្មភាពពិធីប្រគល់វិញ្ញាបនបត្រសិស្សថ្នាក់មត្តេយ្យសិក្សា