AIS ToulKork Campus

លោកស្រី អ៊ាវ ណារី

ចាងហ្វាងក្រោមមត្តេយ្យ មត្តេយ្យ និងបឋមសិក្សា

សូមស្វាគមន៍កូនៗ ដែលត្រៀមចូលរៀន និងកូនៗកំពុងសិក្សាថ្នាក់បឋមសិក្សា នៃសាលារៀន អន្តរទ្វីប អាមេរិកាំង សាខាទួលគោក ជាទីស្រឡាញ់! នាងខ្ញុំជាចាងហ្វាងបឋមសិក្សា មានចិត្តសប្បាយរីករាយ ខ្លាំងណាស់ក្នុងការរង់ចាំទទួលកូនៗ ដោយភាពកក់ក្តៅអស់ពីបេះដូងដើម្បីអោយកូនៗទាំងអស់មកក្រេបជញ្ជក់យកចំណេះវិជ្ជាដែលជា កំណប់ ទ្រព្យមិនអាចខ្វះបាន និងកសាងចំណេះវិជ្ជាសម្រាប់ពេលអនាគតក្នុងមហាគ្រួសារមួយ ដែលមានចាងហ្វាង លោកគ្រូ អ្នកគ្រូយកចិត្តទុកដាក់ និងមានមិត្តភក្តិគួរជាទីរាប់អាន ដូចនៅក្នុងគ្រួសារ ដែលមានភាពត្រជាក់ត្រជុំរបស់កូនៗ។

ពេលកូនៗចូលមកសិក្សានៅសាលារៀន អន្តរទ្វីប អាមេរិកាំង កូននឹងចាប់ផ្តើមស្គាល់ពីការរស់នៅជាមួយគ្នា ការរៀនពីគ្នាទៅវិញទៅមក ការចែករំលែក ការស្រឡាញ់រាប់អានគ្នា ជាពិសេសគឺភាពកក់ក្តៅនៃសេវាកម្មអប់រំរបស់សាលារៀន អន្តរទ្វីប អាមេរិកាំង ដែលបានផ្តល់ជូនកូនៗ។ លើសពីនេះទៅទៀត គ្រប់កម្មវិធីសិក្សា និងបឋមសិក្សា គឺផ្តល់ឱ្យកុមារទទួលបាននូវការអប់រំដ៏ពេញលេញ ទាំងសមត្ថភាពនៃការស្តាប់ ការនិយាយ ការអាន ការសរសេរ ការសង្កេត ទំនាក់ទំនង សីលធម៌ សុជីវធម៌ ភាសាខ្មែរ ភាសាអង់គ្លេស កុំព្យូទ័រ របាំ គំនូរ តន្រ្តី គេហកិច្ច កីឡាគ្រប់ប្រភេទ កម្មវិធីបំណិនជីវិត កម្មវិធីសិក្ខាសាលាទាក់ទងសុខភាព ទស្សនកិច្ចសិក្សា ការតាំងពិព័រណ៌ស្នាដៃសិស្ស និងបណ្ណាល័យ មាន សៀវភៅគ្រប់ប្រភេទជាច្រើនផ្តល់ អោយ កូនៗសិក្សាស្រាវជ្រាវ ដែលអាចបណ្តុះកូនៗឱ្យក្លាយជា ពលរដ្ឋប្រកបដោយចំណេះវិជ្ជា សុជីវធម៌ និងមានសមត្ថភាពចូលរួម អភិវឌ្ឍសង្គមជាតិ និងសង្គមគ្រួសារ ទៅថ្ងៃអនាគត។

កូនៗទាំងអស់គ្នាពិតជា មានភាពសប្បាយរីករាយ ក្នុងការសិក្សាជាមួយបរិស្ថានអប់រំ ដែលប្រកបដោយផាសុកភាព អនាម័យ និងទទួលបាននូវការអប់រំមួយ បែបស្តង់ដាជាតិ ដែលមានគុណភាពល្អគួរជាទីទុកចិត្ត។ ក្នុងនាមនាងខ្ញុំជាចាងហ្វាង និងបុគ្គលិកសិក្សានៃសាលារៀន អន្តទ្វីប អាមេរិកាំង ទាំងអស់ សូមថ្លែងអំណរគុណមាតាបិតា និងអ្នកអាណាព្យាបាលសិស្ស ដែលបានគាំទ្រ និងមានទំនុកចិត្តចំពោះសាលាយើងខ្ញុំ ក៏ដូចជាផ្តល់ឱកាសដល់កូនៗឱ្យមកសិក្សានៅសាលារៀន អន្តរទ្វីប អាមេរិកាំង។ សូម ជូនពរកូនៗទាំងអស់មានប្រាជ្ញាវាងវៃ រៀនសូត្រពូកែ និង ជាកូនល្អ សិស្សល្អ មិត្តល្អ។ សូមគោរពជូនពរមាតាបិតា និងអ្នកអាណាព្យាបាលទាំងអស់ជួបប្រទះតែសេចក្តីសុខ សុភមង្គលគ្រប់ពេលវេលា។

សូមអរគុណ!